Dr Baba Saheb Ambedkar Damdawiin, Delhi Rohini ah October 31 khan security guard leh midang 2 te chu hmeichhe pawngsual thubuaiah man an ni.

Security Guard leh mipa 2-te chu hmeichhe kum 30 pawngsual a puh an nih avangin man an ni a, he in pawngsualna hi Delhi Rohini district, damdawiina motor dahna (parking lot) a thleng a ni.

Hmeichhia in Police te hnena a sawi danin, Security Guard chuan engti tura kal nge anih tih leh damdawiina a chhungte lút (admitted) an awm leh awmloh a zawt a, motor dahna lamah hruaiin an pawngsual rawn zui tih a sawi.

Police te chuan Chawlhni liam ta ah khan Security Guard chu man a nih thu an sawi a, midang pahnihte hi damdawi ina buaina siam tur vengtu (bouncer) niin an hna atanga ban an nih thu an sawi a, a hnuah an vai hian an la thawk chhunzawm zel niin an sawi. Pawikhawihtute hi Manish (22), Praveen Tiwari (24) leh Kanwar Pal (33) tih October 31 khan finfiah an ni.

Tunah he hmeichhia hi Nirmal Chhaya, hmeichhia leh naupang dikna chanvo hailangtu pawl ten hurna lamhawi a intihluihna Section 21 of the Immoral Traffic (Prevention) Act, 1956 hmangin hma an lakpui mek a ni. An department chuan Nirmal Chhaya chu 1988 a din, pawl rintlak leh pawl thianghlim niin mi dikna hum theitu leh an thiamlohnaa hrem thei a ni tih an tarlang bawk.

LEAVE A REPLY

Please enter your comment!
Please enter your name here