Hmeichhe pakhat naute pai mek chu a naute tihtlak a duhloh avangin a nungchungin motor chhungah hal a nih thu hriat a ni.
Ellen Priscilla Ferreira da Silva, kum 24 mi hian naute thla 4-na a pai meka, Ely Carlos dos Santos, kum 39 a upa nen motor chhung an awm laiin Sao Paulo, Brazil ah an hal hlum tih an sawi.
An taksa kâng bâng chu hmuh niin, Police te chuan nung chunga phuar an nih an rin thu leh an motor chu petrol leih anih hnua hal anih an rin thu an sawi.
An chhungte chuan motor chu Ellen-i nu ta ani tih an finfiah hnuah he pawikhawihna rathlak tak thlenga telte chu an hre thei ta a ni.
He thil thlengah hian mi pali rinhlelh an nia, mipa pathum, kum 19, 35, 38 leh nutling kum 36 mite chu thu zawtfiah atan hruai an ni.
Mipa kum 19 leh nutling te chu an inpuang tawha, mipa 2 te erawh chuan inrawlhna an neihloh thu an sawi a ni.
Paulo de Tars, he case buaipuitu leh an hotupa ber chuan, he thil hi tum lawk sa tih anih thu leh thil sual rapthlak tak a ni tiin thuthar lakhawmtute hmaah a sawi.
Rinhlelh zinga mi pakhat chuan a thih thu hriatchian anih hnuin, a nu hnenah a tuarpui thu a hrilh tih a sawi nghe nghe.
A tuartu hmeichhia hian, an mi rinhlelh zing a mi kum 38 a upa fa, thla 4 mi a pai niin an sawia, hmeichhia an man inpuang ta chu a nupui niin hmeichhia halhlum tak hian a pasal fa a pai thu hi a hriatpui bawk tih Officer chuan a sawi a ni.
Police te chuan he thil raptlak tak phena thil awmdan chu a chhui hna an thawk mek a ni.
An rinhlelh tak bera chu kum 38 mi, Ellen in fa a paina pa chu a ni. Police-te chuan thihna thlenna hmunah a car pawh a kal ngei tih an hmuchhuak a ni.
An rinhlelh ber leh naute pa ni bawk chuan, a ni pawh beih anih thu leh an hal ve a hlau hle tih a sawia amaherawhchu, a hnuah a phuahchawp anih thu leh a hliam chu a damdawi tihna anih thu sawiin, thite pahnih chu a hmelhriat thu a sawi bawk.
