Nu sual tak pakhat chuan fa dang neih a duh a, amaherawh chu fa dang nei thei dinhmunah a din tak loh avangin ama fanu ngei mai chu tihluihnain a bialpa a pawngsual tir tih hriat a ni.

Angelica tia koh nu mak tak chuan a fanu kum 10 mi lek chu a pum hawh turin a dil tih an sawi. A fanu in a remti lo chungin a bialpa chu a pawngsual tir ta a ni.

He thil sual rapthlak tak mai hi September 22, 2014 khan Jalisco a farm pakhat, Southwestern Mexico a thleng a ni.

Court lehkha chuan Angelica in fa a pai theih tawhloh thu a sawi a. A chhan chu nau nei thei tawhlo turin a insiamtir (sterilization) tawh a nih thu a tarlang bawk.

Court hmaah Angelica in a bialpa nen fapa neih a duh dan leh fa a pai theih tawhloh avanga a fanu pum hawh a tum dan kimchang chu chiang takin a sawi a ni. He thil hi a ruk thei ang bera a lo tih avangin thubuai thehluh a nih atanga rei tak liam hnuah an chhui chhuak ve ta chauh a ni.

Angelica-i chu tunah chuan naupang mipathmeichhiatna lam hawia khawihchhia niin tharum thawha a fanu a tihluihna avangin thiamloh chantir a ni.

Kar hmasa, Sunday ah a vawikhat nan Courtah inlan in, hren chhunzawm tura a chungthu rel a ni. Angelica-i chu a fanu in chutia a dilna a pawmsak duhloh avang chuan a thinrim hle niin an sawi.

Angelica-i bialpa chuan hmeichhe naupang pawngsual mai chu a rawt a, a nu chuan alo pawmpui ve mai a ni tih Court hmaah a sawi lang bawk.

Hmeichhe naupang chuan a chunga tawrhna nasa tak thleng chu a nutei a hrilh a, tichuan an tualchhung thuneitute hnenah a thlen ta a ni.

Kum ruk hnuah chauh Angelica chu man a ni a, tunah hian tan lailawkna (pre-trial detention) a dah mek niin, kar hmasa Sunday a Court order chuan hren chhunzawm turin thuchhuah a siam a ni.

Angelica-i bialpa a hming leh kum tarlan loh chu Court thupek angin man anih tawh thu an sawi.

Amaherawh chu, State prosecutor’s office thuneitute chuan tanin a khung anih tawh thu an sawi a, engtik hun chiaha man nge an nih leh thiamloh an chantir dan chu hriat a ni lo thung.

LEAVE A REPLY

Please enter your comment!
Please enter your name here