Nimin 30th October khan “Tudang Ka Ngai Tawh Lawng” tih hla hit zet mai rawn satu Rpa Ralte leh a nupui Bambi Laldinpuii chuan BN Hospital ah an fa pahnihna turin fapa duhawm tak mai Kg 3.58 an nei, naute pawh ațha e, naute nu Bambi Laldinpuii pawhin engmah insawiselna a nei lem lo ani.
Rpa te nupa hi kum 2015 khan innei in 2016 khan fanu duhawm tak Hruaitei an lo nei tawh bawk ani.
Mizo music industry ngaina chin chuan Rpa Ralte hi kan hrechiang viau hlawm in ka ring, hla tam tak ngaihthlak tur min hlui tawh a, min la hlui belh mek zel bawka, a hla rawn tihchhuah tawh te hi hla thu țha tak tak, ngaihthlak nuam leh belhchian dawl tak tak te ni hlawm ani.
Rpa hla hit “Tudang Ka Ngai Tawh Lawng” tih phei hi chuan YouTube ah entu 2million chuang a nei hial ani.
Rpa te nupa Fapa duhawm tak in-neih avangin thinlung takin lawmpuina kan hlan che u a, țha taka lo țhang lian turin leh hriselna țha neia, nupa kawp rem tak leh chhungkaw inlungrual in nih zel kan duhsak a che u.
Pic edt: Naute pian hma pic leh naute thar nen
Source: Milarte Official News
